SAN RAMÓN 2009, UNHA NOVA OPORTUNIDADE PERDIDA

.

.

.

Este ano, como tódolos anos anteriores, voltamos a ter que facer unha crítica, que intenta ser constructiva, ante a ausencia do goberno do PP na organización das festas patronais de San Ramón e Santa María, e isto o facemos sen ánimo de ofender á Comisión de Festas, que entenderá que este escrito non intenta, nin moito menos, ir contra o seu traballo e dende logo non creo que volte a actuar dun xeito tan politizado como sucedeu con algún dos seus membros do ano pasado, entrando de cheo no debate político e levando a espazos persoais a defensa a capa e espada dos intereses dos gobernantes do Partido Popular como se formasen parte del, ¿ou será que sí formaban parte?
.

.

.
Dende unha esquiniña do Grupo Municipal Socialista, quero facer público o noso sentimento de contrariedade por voltar a atoparnos con outras festas de San Ramón e Santa María nas que o Grupo de Goberno do Partido Popular volta a escapar das súas responsabilidades e se esquece, ou mellor dito, renuncia a organizalas nosas festas patronais e deixa nas mans dun grupo de voluntarios, ben intencionados e cun esforzo altruista que os honra, o traballo que eles deberían de realizar, por ser Vilalba un municipio da entidade suficiente para que o desenrolo das festas patronais correse a cargo dos nosos representantes municipais, en especial da desaparecida estivalmente, Concellería de Cultura, que non mostra a actitude necesaria para facer das nosas festas, unhas festas de referencia na comarca e, porque non, en toda a Provincia de Lugo, como outros gobernantes de concellos menores que o noso, sí intentan facer e en moitos casos o conquiren.

Se ben, estas festas, aínda que organizadas dende o Concello, deberían de ser realizadas co apoio e a implicación das diferentes entidades e asociacións municipais da nosa vila, que deberían de ser chamadas a colaborar na súa organización e desenrolo, ademais de ser as protagonistas e non deixalo simplemente para aqueles “colaboradores políticos” que actuán máis polo interés persoal de manter o posto de traballo, a posición social ou económica e a influencia política que por facer das festas un gran acontecemento para tódolos veciños.

Ademais, unha vez que se mellorou, dende o grupo de goberno, a organización de eventos durante todo o ano e se fixo algo por escoitar as múltiples voces que surxían pedindo a organización de eventos como o San Xoán, que foi unha gran proposta da Asociación de Vecinos da Zona Vella e a Feira Medieval en datas diferentes ás festas de San Ramón, que moitos levábamos tempo solicitando, así como unha mellor organización da Feira do Queixo e do Capón, escapando ademáis do sucio aparcamento da Praza da Constitución que tamén levábamos moito tempo pedindo, así como outras celebracións, que teño que decir que melloraron bastante dende este último ano e que falan positivamente dalgún responsable municipal que se está preocupando por escoitar, mellorar e actuar para facer aquelo que é o mellor para todos, sen necesidade de enrocarse en posicións partidistas previas. Por todo iso, esperamos que as continuas críticas do noso grupo, fagan que dunha vez por todas se atrevan a organizalas festas máis importantes para o noso concello, nas que contarían sen ningún tipo de dúbida co apoio, traballo e disposición á colaborar do Grupo Municipal Socialista.

Así que esperemos outro ano máis e deixemos que o tempo e a insistencia de todos aqueles veciños que pensamos deste xeito, convenzamos os nosos gobernantes para que se atrevan a facer algo tan bonito para o que goberna, como é a organización das festas patronais e que isto suceda co apoio de tódolos cidadáns e entidades que así o desexen e non suceda que os gobernantes só aparezan para intentar teledirixir moitos dos actos programados nelas, sen logo dar a cara ante os cidadáns que lles deron a responsabilidade de gobernar.

.

Non quero rematar sen desexar boas festas de San Ramón e Santa María a tódolos vilalbeses e aqueles que veñen a visitarnos nesas fermosas datas para todos nós.

.

Martín Seco García
Concelleiro do Grupo Municipal Socialista

Os concelleiros Seco e De Vicente non estamos dacordo con certa información filtrada por alguén a "El Progreso" e que foi publicada hoxe

.
.
.

Despois de ler a información aparecida no diario "El Progreso" hoxe Xoves día 23 de Xullo, na que trala denuncia do GMS dos vertidos da Depuradora do Martes, se insinúa a posibilidade de que os traballadores da Depuradora abrisen "non sei que comportas" para deixar sair toda a porquería ó río Madalena.

.

Queremos demostrar o noso máis rotundo rexeitamento a estas declaracións, posto que non dudamos nin unha pizca da profesionalidade dos traballadores de "Espina e Delfín" e ademais a persona que filtrou esta infirmación a dito diario descoñece por completo o funcionamento dunha EDAR deste tipo, porque non sabe de que comportas está a falar, xa que a chegada de porquería con moitos sólidos ó cauce do río, sucede sempre tras épocas sen chuvía nas que se acumulan sólidos, graxas, deterxentes e todo tipo de porquerías no sistema de sumideiros, que cunha forte tromba e tendo en conta que a depuradora non pode co caudal entrante, alivia parte da ríada directamente ó rio, sen necesidade de abrir ningún tipo de comporta "ficticia" que encha o río de porquería.

.

Polo que queremos deixar moi claro que este tipo de informacións falsas e infundadas e moito máis sen ningún tipo de proba do que se denuncia, poidendo facerlle moito dano persoal ós traballadores dunha empresa que se están a gañar un salario honradamente, non é o noso tipo de forma de actuar nin o será nunca.

O GMS DENUNCIA OS NOVOS VERQUIDOS DA DEPURADORA MUNICIPAL Ó RÍO MADALENA E O INCUMPLIMENTO DO PP DO COMPROMISO DE COLABORAR COS PESCADORES

.

Dende o Grupo Municipal Socialista estamos moi preocupados pola inactividade do PP ante a situación que estamos a observar continuamente cos vertidos procedentes da Depuradora Municipal, sempre que o noso municipio recibe alguna pequena ou non tan pequena tromba de auga, e que estos días están a rematar coa vida do noso río e dos animais que viven nel.

.

.

.

.
Os Concelleiros Socialistas, Margarita de Vicente e Martín Seco estivemos onte 22 de Xullo, a iso das 21h. da noite nas instalacións da Depuradora Municipal, despois de observar as continuas denuncias feitas pola Asociación de Pescadores de Vilalba nestes días no seu Blog e presenciar “in situ” os verquidos feitos pola instalación municipal, e temos que evidenciar que tanto os traballadores de Espina e Delfín, como a propia Depuradora estaban traballando correctamente, incluso ésta, ó límite da súa capacidade. Pero tamén poidemos observar como na arqueta de entrada a Depuradora, (contrastado con fotos acreditativas que están no noso poder), tiña que ser aliviada unha parte da auga que chegaba á Depuradora directamente ó río sen tratar por non ter capacidade para poder acumular tanto caudal, feito que nós xa denunciábamos que era por tal situación.

Sabemos das continuas denuncias feitas públicas que a Asociación de Pescadores fixo ante a Xunta de Galicia, Confederación Hidrográfica e incluso ante o Defensor do Pobo e moito nos tememos que poidan aparecer continuas multas ó Concello de Vilalba, responsable de dita Depuradora, que acaben por minar as maltrechas finanzas do noso Municipio, como xa apareceron noutros momentos e que poden multiplicarse pola inactividade e falla de compromiso por parte dos nosos dirixentes que non aportan nada para poñerlle freo a tales acontecementos e que tratan de mirar para outro lado como se esto non fose con eles.

Por outro lado despois da moción presentada polo GMS no pleno do mes de Maio onde solicitábamos a construcción dun pozo de tormentas e o inicio de obras de separación de pluviais e facais no noso casco urbán e que foi rexeitada polo Partido Popular. No transcurso do debate entre o Teniente de Alcalde o Sr. Vicente García Pernas e Martín Seco, o concelleiro socialista solicitou que o Grupo de Goberno puxese tódalas facilidades e contase en todo momento coa Asociación de Pescadores tendo en conta que nesas datas se ía a proceder a limpeza da Praia da Madalena e dita asociación estaba a traballar na recría de troitas e ademáis sabíamos que necesitaban colaboración na limpeza do río e moito máis do tramo da presa que leva o canal de alevinaxe que utiliza dita asociación, neste senso por parte do PP mostrouse toda a dispoñibilidade a colaborar con dita asociación “como non podería ser doutro xeito” en palabras textuais do Señor García Pernas, e despois podemos observar como incumplen os seus propios compromisos cando observamos no Blog da Asociación de Pescadores que non se puxeron en contacto con eles para nada durante a limpeza da Praia Fluvial e incluso non lles contestaron cando solicitaron a limpeza dos lugares que eles solicitaban e por outro lado incluso da a sensación de que querían perxudicar ós pescadores ó ter vacía a presa dende o día 16 de Xuño ata o 22 de Xuño aínda que segundo a asociación de pescadores nunca se deixara pola noite vacía a Praia e con elo deixaron case sen auga os alevíns que foron rescatados polos pescadores xunto cos enenos da guardería que baixaban de visita.

Mal camino levamos se nin tan sequera ós máximos representantes do noso concello tratan de ser respetuosos e colaboradores cunha das asociacións que existen no noso concello que simplemente trata de manter o que indispensable para eles que é o río onde se desenrola a súa actividade e que ademais colabora na limpeza er mantemento do río e o seu cauce sen máis motivo que o amor que teñen por esta parte do noso concello.

O GRUPO MUNICIPAL SOCIALISTA DENUNCIA QUE OS GRUPOS DA OPOSICIÓN NON FORON INVITADOS Á INAGURACIÓN DA NOVA ITV VILALBESA

.

Dende o GMS queremos denunciar a falla de respecto, educación, e sensibilidade democrática demostrada pola nova Delegación Provincial da Xunta de Galicia en Lugo, con Raquel Arias ó fronte, e por suposto, polo noso alcalde Gerardo Criado e ó resto do Grupo de Goberno do PP que non é a primeira vez que se olvidan de invitar ós membros da oposición a un acto tan importante para o noso concello e a nosa comarca como é a inauguración da nova estación da ITV no Polígono Industrial de Vilalba que ademais, quero recordar, foi posta en marcha polo anterior goberno bipartito, deixando claro o compromiso do anterior goberno co noso Concello.

E xusto agora, que o goberno do Sr Feijoo quere dar falsas clases de comportamento democrático e dun talante democrático, do que os membros do seu partido carecen no momento que teñen que demostralo. Ademais queremos comparar esta situación coas actitudes do anterior Goberno da Xunta de Galicia que nunca deixou de invitar e darlle participación os membros do PP naqueles actos e inaguracións que tiñan que ver con actuacións da administración autonómica no noso concello, como cremos que non debería de ser doutro xeito.

Moción presentada polo GMS para solicitar a Deputación de Lugo a construcción de beirarrúas na estrada da Praia Fluvial

Martín Seco García e Margarita de Vicente Mato, concelleiros do Grupo Municipal Socialista e Mª Elba Veleiro Fernández na súa condición de voceira do mesmo grupo no Concello de Vilalba, comparecen e como mellor en dereito proceda DIN:

Que o abeiro do disposto nos artigos 97 da Lei 5/1997, do 22 de Xullo, Lei de Administración Local de Galicia, 91,4 e 97 do Real Decreto 2568/1986, do 28 de Novembro, polo que se aproba o Regulamento de Organización, Funcionamento e Réxime Xurídico das Entidades Locais, e 46.2 da Lei 11/1999, do 21 de Abril, Lei de modificación da Lei Reguladora de Bases do Réxime Local e outras medidas, presenta á consideración do Pleno da Corporación Municipal a seguinte:

.

.
MOCIÓN

.

EXPOSICIÓN DE MOTIVOS:

Dende xa hai algún tempo, o Grupo Municipal Socialista recibiu a solicitude feita polos veciños e veciñas que residen ó longo da estrada que enlaza as vías LU-861 de Vilalba a Ferrol e a CP-6513 de Vilalba a Betanzos, pasando pola zona de esparcemento da Praia Fluvial, para que a Deputación Provincial de Lugo, propietaria de dita estrada, puxese os medios necesarios para mellorar a seguridade vial e facer que os vehículos que circulasen por ela non levasen unha velocidade demasiado elevada, conquerindo unha maior seguridade para os viandantes que usan esta vía.

Tamén o PSdeG-PSOE, dentro do programa electoral co que concurriu, ás eleccións municipais de 2007, incluía o compromiso de construila beirarrúa de baixada dende a Estrada de Ferrol ata a Praia Fluvial da Madalena, para facer máis segura a baixada dos moitos veciños/as, e sobre todo dos nenos/as que concurren nestas instalacións lúdicas nos meses de verán, sen olvidar, por suposto, ós veciños e veciñas que residen nesta zona.

Dende hai poucas datas a Deputación Provincial respondeu a unha parte da solicitude feita polos veciños usuarios desta estrada, colocando bandas rugosas e a sinalización necesaria para evitar un exceso de velocidade dos vehículos circulantes nesta vía.

Pero, sen dúbida, para completar a seguridade vial e a comodidade dos viandantes que utilizan esta estrada e cumprir cos compromisos adquiridos polo Grupo Municipal Socialista , faise imprescindible a realización dunha primeira fase de construcción da beirarrúa que vai dende a estrada de Ferrol á Ponte da Madalena, esta obra debería de ser continuada por unha segunda fase, onde se constrúa a beirarrúa dende o lugar onde se vaia situar o novo “Bar-Restaurante da Madalena” ata a Estrada de Betanzos.

Por todo o anteriormente exposto, propoñemos ao pleno desta Corporación a adopción do seguinte,

ACORDO:

• Solicitar da Deputación de Lugo a construcción da beirarrúa que vai pola vía Provincial e enlaza a Estrada LU-861 de Vilalba a Ferrol e a Estrada CP-6513 de Vilalba a Betanzos, pasando pola Praia Fluvial da Madalena., e que se realizaría en dúas fases:

1. Na primeira (prioritaria), dende a vía LU-861 á ponte da Madalena.
   
2. e nunha segunda dende o remate das instalacións da Praia Fluvial, onde se sitúa o novo “Bar-Restaurante da Praia” ata a vía CP-6513.

• Enviar un escrito con dito acordo do Pleno da Corporación, á Deputación Provincial de Lugo, propietaria desta vía.
  

En Vilalba, a 6 de Xullo de 2009