Neste primeiro acto do Foro Vilalbés de Debate e Cooperación "Martín Seco Cendán" que consistía na presentación do libro "Autonomía e modernidade" que coordinou Ceferino Díaz e que conta coa participación de 25 personaxes con artigos que nos aportan a súa visión do período autonómico actual en diversas temáticas. Este acto foi presentado polo Presidente do Foro Martín Seco García e contou coa presencia duns participantes de diversas ideoloxías políticas, que aportaron un grado de controversia e de debate ideolóxico a esta presentación, Agustín Baamonde, Antón Baamonde, Francisco Sineiro e o propio Ceferino Díaz nos ilustraron coa sua visión do período autonómico que estamos a vivir e as suas opinións sobre este libro que estábamos a presentar.
Dende este espazo quero agradecerlle expresamente a presencia a tódolos vilalbeses que encheron a Casa da Cultura de Vilalba e que esgotaron os libros que tíñamos á venta. E moi especialmente quero agradecer a presencia do Alcalde de Vilalba, Gerardo Criado, dos portavoces do PSdeG-PSOE e do PPdeG, do Presidente do Patronato do Asilo, Pepe Apenela do Sº desta institución Jose A. Pombo, do Presidente do IESCHA Manolo Santamariña e do resto dos responsables deste Instituto que sempre están presentes nos actos onde se dinamize culturalemente a vida do Concello, do Presidente da Coral Polífónica Alfonso Baamonde, e do sempre presente e amigo do Foro Zolio López Ron que mostra unha vitalidade envexable e nos aporta as gañas de seguir apostando pola actividade no Concello.
Gracias a tódolos amigos que non fallaron nesta posta en escena da nosa asociación, esperamos non fallarlles tampouco nós a eles.
No hay comentarios:
Publicar un comentario