O Venres 14 de Xaneiro ás 20:30 do serán na Casa da Cultura en Vilalba o Foro Vilabés de Debate e Cooperación " Martín A. Seco Cendán" levará a cabo a presentación do libro "Autonomía e Modernidade en Galicia" .
Este libro foi coordinado polo coñecido profesor galeguista e parlamentario socialista Ceferino Díaz e conta coa participación de numerosos personaxes que nos ilustran sobre diferentes materias no desenrolo destes últimos 25 anos de Autonomía de Galicia. Este libro xunto co anterior publicado por Ceferino Díaz, "A esforza conquista da autonomía", pecha unha importante serie de publicacións imprescindibles para entender a actual historia do noso país e o proceso autonómico visto dende o punto de vista dun histórico militante do galeguismo e socialismo deste país pero aberto a outras posicións diferentes a súa .
Dita presentación contará coa presencia e intervención dos seguintes amigos do Foro nun intento de mostrar a pluralidade de opinión políticas:
- A intervención do ex-alcalde de Vilalba e parlamentario galego polo PP, Agustín Baamonde.
Tamén intervirán os participantes na elaboración do libro:
- O profesor e ensaista vilalbés, Antón Baamonde e
- O profesor e ex-Conselleiro de Agricultura da Xunta de Galicia polo PSdeG-PSOE, Francisco Sineiro.
Pechará o acto o coordinador do libro Ceferino Díaz.
Invitámosvos a todos a asistir.
No hay comentarios:
Publicar un comentario