Nota do PSdeG-PSOE pola suciedade e abandono do casco urbán de Vilalba

O Partido Socialista Vilalbés solicita que os gobernantes do Partido Popular tomen medidas pola suciedade e abandono que está sufrindo o noso casco urbán.

Os/As integrantes do Grupo Municipal Socialista de Vilalba queremos facer chegar a opinión pública a nosa preocupación pola falla de limpieza que estamos a sufrir tódolos/as veciños/as de Vilalba en todo o noso casco urbán.

Nestes momentos existe unha imperiosa necesidade de que os sumideiros da nosa rede de recollida de augas sexan limpiados de terra e outros materiales que impiden que poidan traballar con toda a súa eficacia.

Os/As Socialistas, xunto con moitos/as veciños/as do noso concello, estamos preocupados pola desidia dos nosos rexidores que a estas alturas de fin do verán e coa posible chegada en breve de fortes chuvías, seguen sen tomar a iniciativa de levar a cabo a limpieza dos nosos sumideiros, algo que debería de facerse xa por costume en certas datas e moito máis despois de escoitar as opinións de moitos/as veciños/as que se achegan a tódolos representantes políticos para facer pública a súa preocupación pola situación na que se encontran algún dos sumidoiros situados preto dos seus fogares e que temen que se chegan as chuvías fortes e debido a falla de capacidade de recollida de ditos sumideiros, se den complicacións indesexables pola acumulación excesiva de auga. Por todo isto queremos poñer de manifesto a necesidade de reacción rápida por parte dos dirixentes do Partido Popular para que se fagan coa máxima premura ditas limpezas evitando con elo males maiores.

Ademais de isto , os vilalbeses temos que soportar como nos meses de verán os contenedores do noso concello botan unha cheirume pestilente que fai imposible estar cerca do lugar onde se atopen, todo isto agrandado pola mala situación na que quedaron ditos contenedores despois da folga do mes de Agosto, ademáis as rúas están cheas de maleza que invaden as beirarrúas e nalgunha zona nin tan sequera se pode transitar, a suciedade das rúas se acumula como nas rúas Basanta Silva ou Plácido Peña, algúns solares urbanos parecen abandoados e son un nido de infección e proliferación de alimañas, co risco evidente para a saúde pública ademáis da mala imaxe estética que ofrece do noso pobo, pero o señor alcalde e os seus compañeiros do Partido Popular non lles apetece solicitarlle os donos que procedan a limpialos con aviso de que senon procederá o concello a facelo con cargo os seus bolsillos, as zonas verdes están en boa parte abandoadas e as que arranxa o concello faino de xeito que sexa de fácil mantemento e de menor custe sen importarlles que quede feito un adefesio e pareza de todo menos un xardín

Por eso lle esiximos o señor Criado e restantes membros do grupo de goberno, que tomen as medidas oportunas para que se solucionen ditos problemas e que rompan coa desidia que invade o grupo de goberno e fagan un esforzo para ter un casco urbán limpo e bonito para vivir e visitar para aqueles turistas que se achegan a coñecernos.